請大家千其要小心係Mr. Collection訂造西裝

因本人無高登account,所以在此post


千萬千萬千萬不要去Mr.Collection造西裝

事源1/12/2016我老公去左美麗華Mr. Collection造西裝，諗住做兩套，後尾個負責sales(ms.tang)话有一褸兩褲，價錢2259，咁我老公就訂左一套一褸兩褲，打單個時show出黎無寫一褸兩褲，我老公即時問個sales點解唔寫落去，個sales話冇問題係一褸兩褲，大約22/12返黎，到時打電話我老公落去試。

28/12一直都無收到電話，就直接落鋪問，去到另一位職員話套西裝係度可以試（但一直無人打過黎），試緊時老公覺到奇怪，點解得一褸一褲，問個職員佢話2259是一褸一褲不是一褸兩褲，我老公話上次姓鄧個位職員話係一褸兩褲，叫佢地check check後打返比老公。

一直到7/1/2017個位姓鄧職員先打比我老公，第一句就話當日話係一褸一褲不是一褸兩褲，全程有佢講無人講，不停話我老公聽錯，咁我老公就話有cctv可以睇返，姓鄧職員第一次就話佢會睇返，我老公再講佢就話睇左啦已經，姓鄧職員話佢睇左cctv話佢無講過一褸兩褲係呢個價錢仲不斷話我老公聽錯，最後佢話再check仲cut埋我老公線。

直到今日16/1，等左10日都無電話，我同老公又落去再問，去到又係個位姓鄧職員，佢第一句就係話寫字樓同事今朝應該打左比你（我老公）我老公話無人打過比佢。跟住姓鄧職員話無呀加多條褲要比多280元，話佢d寫字樓同事睇左cctv話佢無講過/講錯，我話一係退錢唔造，一係減返另一條褲錢或者比返條褲我，佢話唔得，佢又話幫我打比寫字樓，但又打唔到，我叫佢一定要寫字樓今日覆我老公，唔係我就會向消委會同海關投訴，姓鄧職員話咁你去投訴啦。

直到六點個位寫字樓同事先打比我老公，話睇返cctv係個位姓鄧職員打錯單，唔係我老公問題，話會比返條褲佢。我老公話佢頭先去鋪頭個位姓鄧既職員仲要我比返280先有多條褲同唔該貴公司將呢條cctv片比返個位姓鄧同事睇返。而且唔落鋪當面問就唔覆，講緊已經10日。

其實點解會咁氣憤，如果你打黎同我地講係同事打錯單，大家可以睇下點解決。但個位姓鄧職員全程有佢講無人講，不停話我老公唔岩又話我老公聽錯先火大。還有唔即刻處理，下下都唔打黎，又話會覆次次都無覆，完全無心去解決問題。

p.s 終於係14/3拎埋第二條褲，造套西裝搞左三四個月

Mr.Collection黑店

終於換樓了 - 睇樓篇1

承上文,自從有換樓念頭後,我地都有去睇下樓,娘家夫家在沙田,所以我地都暫時只會選擇沙田兩房單位。

第一次去睇樓,我地本來有意睇第一城站既欣廷軒(因為近我娘家,而且佢係新鴻基樓,樓齡唔舊,不過每個單位只是係400尺但有七成半實用率),我地當日去問即約有得上門睇樓。但上到平台就發覺有點侷促,入左屋發覺更加逼,沒有客飯廳之分,兩間房更加是細到,一張4X6尺床擺左入房都無位擺衣櫃,即是要瞓上窗台,對我老公黎講,簡直係諗唔店

既然唔再考慮呢個屋苑,唯有再諗,我地考慮到最遠只會住大水坑站,馬鐵會到既屋苑,AGENT話可以考慮大水坑曉峰灣畔,應該可以符合我地既要求。
上門睇左一個兩房單位,間隔非常好,一入門口是廚房,有分客飯廳,望城門河,而且客廳既大窗真係好吸引,房間間隔有點同我地現時住緊既屋苑相同,非常好,不用瞓上窗台。
之後另一AGENT帶我地睇三房單位,點解會睇三房,因為我記得之前睇既兩房叫價490萬,而呢個三房叫價575萬,而且較高層,入到去,同之前兩房間隔相同,多了一個套房,老公認為多個套房,相差不到100萬,而且越住應該越大.如果再有小朋友應該考慮三房,所以都考慮三房單位,不過,呢個三房單位客廳對住三條大公路,心中感覺不太舒服,所以沒有考慮。

記得當時只有三個單位放盤,我地亦都考慮三房,所以無即刻落實...
如是者都拖左成年

終於換樓了 - 回顧篇

我地婚後一直住係九龍東某個中大型屋苑，而且我地係結婚前已經進行了大裝修，咁點解要換樓呢?!

原因是,
1. 有左小朋友,好多野都唔一樣,好想搬近自己屋企人,方便照應(雖然而家搭車都好方便好快,但始終無係附近最好)
2. 而且娘家校網唔錯,我而家呢區既校網真係麻麻(我個屋苑有好多小朋友都是讀其他區的幼稚園,試想想,升小學,如自行唔收,大抽獎又唔係住呢個校網,點玩?!)
3. 屋苑樓齡已有3X年,亦引申其他問題,上落唔方便,大型維修,驗樓驗窗,冷氣機滴水問題(最頭痛.我是要在寧靜環境先瞓到教,呢個問題好影響我)每年最怕就係夏天...

終於係上年既夏天,我地開始睇樓

食糊/粥日子...續

賣賣開始食糊都好順利,因為佢好為食,所以我比咩佢,佢都OK肯開心食
不過過左兩個幾禮拜佢突然唔太食,喊,失控,脾氣開始大,
個排真係好辛苦.....
我又唔知佢咩事,唯有改左D糊仔稀杰,味道,食材,加蛋黃
點知如是者過左兩個禮拜後,原來賣賣佢出牙仔(咁我就放心左)
之後都開始食返野,脾氣好左,原來佢出牙仔好辛苦唔舒服,咁我都無咁驚
佢仲要一出出下面兩隻,真係唔舒服

舒服返之後又食糊仔啦
今個禮拜七個月,開始食肉啦
禮拜一整左番茄南瓜糊,夜晚整左白菜三交魚粥,唔知係咪我整得唔好佢唔太食

禮拜二整左番茄番薯糊,佢食曬,,,仲好飽,飽到個餐唔駛補奶

今日整左好野,.因為想佢開始轉粥,所以有D調整
LUNCH=菠菜三文魚糊仔
DINNER=紅蘿蔔肉碎粥

BB今日食肉碎呀,我都係用左一條仔整左碎,仲有D煲肉湯,我食過都覺得好好味,仲偷食
關於粥,我試左好多方法
又試過用咩米效果好D.都是珍珠米好D
因為要整到開花,係要D時間,但我好懶,唔太想睇火
如果你都核煲BB一人份量,自己無興趣食,可用以下方法


以下是兩個方法我覺得OK可用
1. 用焗壺焗粥(即象印個D),焗左D米先(唔駛加咁多水,整到爛飯咁OK),之後煲定個湯(魚湯/肉湯),水都得,係防止痴底,之後滾左D湯加入已焗既飯,搞下佢,熄火焗一陣再滾!搞店!!
如果加熟左既肉,可在完成左個粥底落,生肉要落左再滾

2.(我用緊既方法),買左個法國名家一人電飯煲
煲定湯底,熱時加入冰米焗..之後擺落電飯煲煮一陣..轉左保溫掣,再焗,D粥就開曬花,岩BB食
我係焗完加生肉再焗,好正

以上方法都係唔太駛睇火,岩我,因我整少少比BB試,我又唔太食粥,食少少又好易痴底,呢兩個方法我覺得幾好

有D買BB粥煲,我覺得都係唔駛睇火,但要煲好耐,好WASTE電,以上方法都可以SAVE電費
希望大家都煲到開花粥!(BTW,我都試左好耐..)

開始食糊的日子

話咁快,賣賣已經六個月
好感動,生完到而家,時間好似過得好快咁,真係光陰似箭,XXXX

其實,頭三個月真係好辛苦
初生嬰兒,每天就是喊,食,訓
我個囡長時間唔訓,就即是喊
成日都要抱住,唉...個段日子真是好容易崩潰
幸好我老公準時收工返屋企幫我手咋
加上個時一,三,五有鐘點,二,四奶奶上黎,平日我媽夜晚放工上黎,六日去我媽度度假
我先未抑鬱咋,加上我又決定左唔做野係屋企湊囡

其實我6299成日叫我地請工人,呢家野,有得必有失
你以為OK,其實未必係,睇你請左個咩人,仲要人夾人
你都知見人只係十幾分鐘,睇到幾多,我同我老公做個行都閱人無數...
我連個鐘點最後都唔要,就因為佢好似得成個D工人咁,融入家中,一個禮拜返得個三日仲要5個鐘就自把自為..
如,我叫佢買腩排,佢買飛排,我叫佢買瘦肉(梅頭個D)佢買柳枚,講真,大家鐘意既野唔同,佢話呢D好食D,你覺得好食唔代表我覺得好食,我叫係買咩就買咩啦,仲同我講佢以前賣豬肉..
仲有...都唔想講,有次佢話佢掃左地拖埋,我係我畏PLAYMAT掃到好多頭髮,佢話係我岩岩掉...
嘩.....佢地本地中國人,,,無文化差異只有代溝都咁,算

加上我99上黎,開始黎料,又MUD又MUD,唉,我已經想抑鬱,加劇左我
話我DIRTY,買左好多兜上黎,佢咪仲.....D胃氣勁到,成日對住我個囡LUR,完全唔避開,唉,五十步笑百步...
成日叫我落街食LUNCH,我知,等你同我個囡獨處,我識做,出去搵老公LUNCH
又話我個囡曳,曳,又無叫你上黎,咁你咪唔駛咁辛苦囉
成日話佢咩都唔識,如轉,坐,明明學緊識,
佢都係緊張大師,但緊張到影響我都好緊張..........
逐客令下左,等自己舒服D,講真,唔係唔想比你上黎
而家減少見面=減少衝突=減少誤會=減少我抑鬱加劇

其實到4個月開始,我個囡都開始好湊D
意思係無咁易一開口,一醒就喊,多左笑,你同佢玩佢識笑,唔駛成日抱住,擺佢落床直接TUM佢訓
SO FAR OK~
日子就是
8am 老公餵早奶兼tum b 訓,我同bb一齊訓
12noom 假如個囡同我一齊訓,我就可以訓到11,12點... 2nd奶
2pm醒左兩個鐘係時候訓,再醒洗白白
4pm 3rd奶,落街買送
5-6pm 再訓,等我老公返屋企
之後梗係交比老公啦,我要煮飯咖

UP左咁耐,,,,離曬題,我好想記錄左佢食糊仔既生活
今日係第三日食啦,因為我同老公下禮拜去台灣,所以早一禮拜試(等我媽咪一齊試)
米糊,我朋友話唔好食FRISO,因個隻奶唔係美素奶既奶米粉
其實最後買純米粉,如HOLLE,NESTLE

我試左雀巢NESTLE,覺得呢隻米粉好化學物質,勁多添加
HOLLE成份得米同維生素B1,味道天然D

你問我咁係咪HOLLE好D,我答你,未必
因6個月BB需要多D鐵質,其實HOLLE個隻係無加鐵質,但雀巢有

我建議
試齋糊用雀巢
加菜/生果用HOLLE

記得要餵水,我囡奶樽唔飲水,但用SPOON餵肯飲,咁我算..

記錄下我今日生活
11am 醒左,我呀
12:15noon 個囡醒左,開奶,整糊仔,餵
12:30pm 2nd 奶
1:45pm入房訓....我去左洗衫
3pm 阿囡醒,餵佢飲水,佢搞隻碗倒左d要換衫,落街買送同我下午茶
4:15pm 返到屋企幫佢洗白白
4:30pm 3rd 奶
4:45pm 5mins ko我下午茶...........唉,我仲一路食,佢一路喊...........................的佢入房訓
之後準備晚餐,我老公搞店個囡
食完dinner又prepare梨比bb食.食左幾啖唔食飲水
洗碗,,再洗衫.....................

母愛真是好偉大
我隻手乾曬

所以做ftm要鼓起好大既勇氣
放棄工作..最慘係無左收入,好似倒水咁
non-stop每日既工作
好似c9咁,因為我唔想化妝比阿b摸到

但係,係見到個小朋友咁開心,你都會好開心
我學識左

其實,我無咁偉大,不過我唔想有個工人係度,家人未能照顧(當然要佢地出於自願,唔係咪一樣,我屋企人要返工先照顧唔到)
所以我暫時放棄事業

所以d男人唔好以為你屋企個女人無野做呀!!!!!!
我老公無,仲好乖返屋企湊囡(其實我老公都好大轉變,爸爸好偉大!)

香港教育的失敗

開始有D朋友講起報N班,
我本來都諗,我個囡都只有3,4個月,咁快報
原來我太天真,出名的一出世報已經遲,應該係有左已經要去報
開始諗幫個囡報住一兩間時,係度諗

其實本身家長收入有限,生小朋友真係好吃力
要係現今既社會爭學位,就好似上大學一樣
仲要視乎個家長本身,有無比小朋友上playgroup,真是少個$都唔得
要入出名既nursey,仲唔係要比好多$$$$去堆砌完美的cv去見學校?!
幸好,我地生活已經唔錯
有無學劵都未致於令家境走入邊緣
當然,有學劵令我地生活輕鬆d,無學劵我地咪駛少d

但我最想講,政府想我地生3個,但無政策配合我地,咁點叫d人去生咁多個
生1個都同生咁多個都一樣,仲生黎做咩
個囡坐都未識坐已經要報nursey
香港政府真係好失敗
d官員淨係識打官腔,點解香港有咁多問題,點解香港市民咁討厭個政府,點解咁多激進既議員入到立法會,點解有咁多人參與公投,政府真是不能漠不關心!
長此落去,社會只會越黎越多問題,只會怨聲載道
梁振英,真係冚家ling

I-angel hipseat迷想

BB出左世之前,我地買左Chicco bb車
不過,因為我地屋苑太多樓梯所以用bb車係一件唔方便既事
所以很早期買左條combi 4way揹帶

不過我囡囡都唔鐘意new born既function
佢唔鐘意我地擺佢係個墊揹佢出去
試過幾次都唔得,喊得好緊要
之後我地都係用直立式咁揹住佢出去

但久而久之,其實條揹帶都幾辛苦
因為個人重心傾前,條揹帶個扣係背上面
搞搞下,背部會好酸痛
再咁落去,bb車,揹帶都唔會方便同令我地舒服咁帶bb出去

呢個時候,我諗起hipseat