食糊/粥日子...續

賣賣開始食糊都好順利,因為佢好為食,所以我比咩佢,佢都OK肯開心食
不過過左兩個幾禮拜佢突然唔太食,喊,失控,脾氣開始大,
個排真係好辛苦.....
我又唔知佢咩事,唯有改左D糊仔稀杰,味道,食材,加蛋黃
點知如是者過左兩個禮拜後,原來賣賣佢出牙仔(咁我就放心左)
之後都開始食返野,脾氣好左,原來佢出牙仔好辛苦唔舒服,咁我都無咁驚
佢仲要一出出下面兩隻,真係唔舒服

舒服返之後又食糊仔啦
今個禮拜七個月,開始食肉啦
禮拜一整左番茄南瓜糊,夜晚整左白菜三交魚粥,唔知係咪我整得唔好佢唔太食

禮拜二整左番茄番薯糊,佢食曬,,,仲好飽,飽到個餐唔駛補奶

今日整左好野,.因為想佢開始轉粥,所以有D調整
LUNCH=菠菜三文魚糊仔
DINNER=紅蘿蔔肉碎粥

BB今日食肉碎呀,我都係用左一條仔整左碎,仲有D煲肉湯,我食過都覺得好好味,仲偷食
關於粥,我試左好多方法
又試過用咩米效果好D.都是珍珠米好D
因為要整到開花,係要D時間,但我好懶,唔太想睇火
如果你都核煲BB一人份量,自己無興趣食,可用以下方法


以下是兩個方法我覺得OK可用
1. 用焗壺焗粥(即象印個D),焗左D米先(唔駛加咁多水,整到爛飯咁OK),之後煲定個湯(魚湯/肉湯),水都得,係防止痴底,之後滾左D湯加入已焗既飯,搞下佢,熄火焗一陣再滾!搞店!!
如果加熟左既肉,可在完成左個粥底落,生肉要落左再滾

2.(我用緊既方法),買左個法國名家一人電飯煲
煲定湯底,熱時加入冰米焗..之後擺落電飯煲煮一陣..轉左保溫掣,再焗,D粥就開曬花,岩BB食
我係焗完加生肉再焗,好正

以上方法都係唔太駛睇火,岩我,因我整少少比BB試,我又唔太食粥,食少少又好易痴底,呢兩個方法我覺得幾好

有D買BB粥煲,我覺得都係唔駛睇火,但要煲好耐,好WASTE電,以上方法都可以SAVE電費
希望大家都煲到開花粥!(BTW,我都試左好耐..)

開始食糊的日子

話咁快,賣賣已經六個月
好感動,生完到而家,時間好似過得好快咁,真係光陰似箭,XXXX

其實,頭三個月真係好辛苦
初生嬰兒,每天就是喊,食,訓
我個囡長時間唔訓,就即是喊
成日都要抱住,唉...個段日子真是好容易崩潰
幸好我老公準時收工返屋企幫我手咋
加上個時一,三,五有鐘點,二,四奶奶上黎,平日我媽夜晚放工上黎,六日去我媽度度假
我先未抑鬱咋,加上我又決定左唔做野係屋企湊囡

其實我6299成日叫我地請工人,呢家野,有得必有失
你以為OK,其實未必係,睇你請左個咩人,仲要人夾人
你都知見人只係十幾分鐘,睇到幾多,我同我老公做個行都閱人無數...
我連個鐘點最後都唔要,就因為佢好似得成個D工人咁,融入家中,一個禮拜返得個三日仲要5個鐘就自把自為..
如,我叫佢買腩排,佢買飛排,我叫佢買瘦肉(梅頭個D)佢買柳枚,講真,大家鐘意既野唔同,佢話呢D好食D,你覺得好食唔代表我覺得好食,我叫係買咩就買咩啦,仲同我講佢以前賣豬肉..
仲有...都唔想講,有次佢話佢掃左地拖埋,我係我畏PLAYMAT掃到好多頭髮,佢話係我岩岩掉...
嘩.....佢地本地中國人,,,無文化差異只有代溝都咁,算

加上我99上黎,開始黎料,又MUD又MUD,唉,我已經想抑鬱,加劇左我
話我DIRTY,買左好多兜上黎,佢咪仲.....D胃氣勁到,成日對住我個囡LUR,完全唔避開,唉,五十步笑百步...
成日叫我落街食LUNCH,我知,等你同我個囡獨處,我識做,出去搵老公LUNCH
又話我個囡曳,曳,又無叫你上黎,咁你咪唔駛咁辛苦囉
成日話佢咩都唔識,如轉,坐,明明學緊識,
佢都係緊張大師,但緊張到影響我都好緊張..........
逐客令下左,等自己舒服D,講真,唔係唔想比你上黎
而家減少見面=減少衝突=減少誤會=減少我抑鬱加劇

其實到4個月開始,我個囡都開始好湊D
意思係無咁易一開口,一醒就喊,多左笑,你同佢玩佢識笑,唔駛成日抱住,擺佢落床直接TUM佢訓
SO FAR OK~
日子就是
8am 老公餵早奶兼tum b 訓,我同bb一齊訓
12noom 假如個囡同我一齊訓,我就可以訓到11,12點... 2nd奶
2pm醒左兩個鐘係時候訓,再醒洗白白
4pm 3rd奶,落街買送
5-6pm 再訓,等我老公返屋企
之後梗係交比老公啦,我要煮飯咖

UP左咁耐,,,,離曬題,我好想記錄左佢食糊仔既生活
今日係第三日食啦,因為我同老公下禮拜去台灣,所以早一禮拜試(等我媽咪一齊試)
米糊,我朋友話唔好食FRISO,因個隻奶唔係美素奶既奶米粉
其實最後買純米粉,如HOLLE,NESTLE

我試左雀巢NESTLE,覺得呢隻米粉好化學物質,勁多添加
HOLLE成份得米同維生素B1,味道天然D

你問我咁係咪HOLLE好D,我答你,未必
因6個月BB需要多D鐵質,其實HOLLE個隻係無加鐵質,但雀巢有

我建議
試齋糊用雀巢
加菜/生果用HOLLE

記得要餵水,我囡奶樽唔飲水,但用SPOON餵肯飲,咁我算..

記錄下我今日生活
11am 醒左,我呀
12:15noon 個囡醒左,開奶,整糊仔,餵
12:30pm 2nd 奶
1:45pm入房訓....我去左洗衫
3pm 阿囡醒,餵佢飲水,佢搞隻碗倒左d要換衫,落街買送同我下午茶
4:15pm 返到屋企幫佢洗白白
4:30pm 3rd 奶
4:45pm 5mins ko我下午茶...........唉,我仲一路食,佢一路喊...........................的佢入房訓
之後準備晚餐,我老公搞店個囡
食完dinner又prepare梨比bb食.食左幾啖唔食飲水
洗碗,,再洗衫.....................

母愛真是好偉大
我隻手乾曬

所以做ftm要鼓起好大既勇氣
放棄工作..最慘係無左收入,好似倒水咁
non-stop每日既工作
好似c9咁,因為我唔想化妝比阿b摸到

但係,係見到個小朋友咁開心,你都會好開心
我學識左

其實,我無咁偉大,不過我唔想有個工人係度,家人未能照顧(當然要佢地出於自願,唔係咪一樣,我屋企人要返工先照顧唔到)
所以我暫時放棄事業

所以d男人唔好以為你屋企個女人無野做呀!!!!!!
我老公無,仲好乖返屋企湊囡(其實我老公都好大轉變,爸爸好偉大!)

香港教育的失敗

開始有D朋友講起報N班,
我本來都諗,我個囡都只有3,4個月,咁快報
原來我太天真,出名的一出世報已經遲,應該係有左已經要去報
開始諗幫個囡報住一兩間時,係度諗

其實本身家長收入有限,生小朋友真係好吃力
要係現今既社會爭學位,就好似上大學一樣
仲要視乎個家長本身,有無比小朋友上playgroup,真是少個$都唔得
要入出名既nursey,仲唔係要比好多$$$$去堆砌完美的cv去見學校?!
幸好,我地生活已經唔錯
有無學劵都未致於令家境走入邊緣
當然,有學劵令我地生活輕鬆d,無學劵我地咪駛少d

但我最想講,政府想我地生3個,但無政策配合我地,咁點叫d人去生咁多個
生1個都同生咁多個都一樣,仲生黎做咩
個囡坐都未識坐已經要報nursey
香港政府真係好失敗
d官員淨係識打官腔,點解香港有咁多問題,點解香港市民咁討厭個政府,點解咁多激進既議員入到立法會,點解有咁多人參與公投,政府真是不能漠不關心!
長此落去,社會只會越黎越多問題,只會怨聲載道
梁振英,真係冚家ling

I-angel hipseat迷想

BB出左世之前,我地買左Chicco bb車
不過,因為我地屋苑太多樓梯所以用bb車係一件唔方便既事
所以很早期買左條combi 4way揹帶

不過我囡囡都唔鐘意new born既function
佢唔鐘意我地擺佢係個墊揹佢出去
試過幾次都唔得,喊得好緊要
之後我地都係用直立式咁揹住佢出去

但久而久之,其實條揹帶都幾辛苦
因為個人重心傾前,條揹帶個扣係背上面
搞搞下,背部會好酸痛
再咁落去,bb車,揹帶都唔會方便同令我地舒服咁帶bb出去

呢個時候,我諗起hipseat

紙尿片試用

做了媽媽之後,其實就黎做媽媽之前,我都有入尿片會幫BB拎定尿片sample
其實都係想試唔用牌子,睇下邊隻自己覺得對bb對媽媽最好

暫時以下是本人幫bb用過的尿片,以價錢質素比較

HUGGIES NB 0
因為之前係bb展買了福袋,入面有兩包初生0碼,之後朋友又比左3包我,而佢係最細size,所以我用左先
首先,初生0碼既size好fit岩岩出世既bb,因為佢既size設計就到初生嬰兒size,所以非常貼身
不過佢既尿片比較薄,腰貼同防漏隔邊無pampers實淨但其實對初生bb係無問題
bb用既時候,無出現漏尿,爆屎既問題,濕左都無滲出黎

我bb出世時7.5磅,用曬5包,大約2個星期,其實仲可以著到0碼,不過掛住試其他無再買
另外,huggies會送買一送一nb 0碼 coupon同買兩包nb 1碼送s碼coupon,本人覺得非常有用,之後再談

PAMPERS NB (WHITE)
JOIN左pampers bb會之後就會送16片白p尿片,同一張買2包減40 coupon,都好抵,所以買埋
呢隻尿片標磅日本進口,特級棉柔
我就覺得,佢尿片個腰貼非常好用,設計唔會"戒"到bb大脾仔而且貼到好穩固,
防漏隔邊亦做得好好,好實淨好貼
不過我認為因為白p比較厚,相對透氣程度無咁好(如果人奶b常換我覺得ok),而且佢話佢特別蜂巢隔網設計我唔太鐘意,個人感覺有d似女人用網面m巾一樣,我成日覺得會chi住bb patpat

所以用左兩包無再用,又換
pampers nb 白,我買$48/36diapers(藥房)

HUGGIES NB 1
因福袋都有初生一碼,所以比bb用,1碼size比pampers nb大少少,呢隻我用左個幾月,大約6包
其實同nb 0碼差唔多,只係大少少,不過都好fit我bb size
到我bb一個月大之後,佢d小便分量好多,nb 1都無出現漏尿問題,又無爆屎
其實HUGGIES都有其優點,就係佢後面有橡根腰圍,所以比較貼,而呢個design,pampers同goon都係無,.個人感覺較好

我係藥房買,$38/35diapers

GOON
試用裝NB,無咩特別,設計與pampers差唔多,不過摸上手紙既質地較順滑,而且同海洋動物設計好得意(不過比bb唔知道,只係得意比媽媽睇)
我覺得大個bb認既時候用就好!

BABYDAY (韓國尿片)
呢隻尿片係bb展sample,其實我覺得好正
棉面好軟熟,相對較厚,橡根腰圍仲勁過huggies,非常貼又舒服
不過後期我上網check佢既價錢相對較貴,大約1塊2蚊,打消念頭
不過亦令我對韓國尿片改觀,原來佢地都做得好好

到bb兩個月多之後轉左s碼,huggies同pampers白p都有買
其實大同小異,不過我試過抱住bb佢痾便便就爆左屎(huggies),因為我抱住佢又周圍旭,我認為防漏隔邊一定pampers較好
有d人又覺得huggies會容易漏尿,小朋友越大小便分量多就有呢個問題,不過我覺得佢既尿片根本比較薄而且係棉花做芯,點都易滲同濕,所以要勤d換
pampers較厚無咁易濕,乾身d,但相對我感覺會焗住bb patpat

我買huggies s, $87/60diapers 藥房(之後有$20coupon,抵買,同藥房n百佳有時有promotion)
pampers 白 s, $96/62diapers藥房

暫時用左以上牌子尿片我bb都無尿布疹問題.用埋我係用棉花幫bb抹patpat

其實我仲收到噓噓樂同綠p片試用未用,仲想試fitti(好想試,因為好多媽媽話好)

後話, 其實我只係一個c9,最鐘意試用產品(不是sponsor)
係價錢同質素上,衡量對bb patpat同自己荷包為首位既c9

全職媽媽

復工第一日我請辭了
到今日,開始做FTM
好唔習慣

老公同我講
叫我試下先,如果唔慣,真係頂唔順,先返出黎做野

老公,辛苦你要頂住頭家先
BB,你要聽媽媽話,乖乖地,健健康康

奶粉選擇

其實幫囡囡選擇奶粉,我覺得好睇家長既喜好
每隻奶粉係初生嬰兒階段,我發覺都差唔多

因為賣賣岩岩出世係醫院,我係泵奶帶去醫院比佢食
埋身餵佢唔太食,
出左院返到屋企,搞搞下,我已經唔太點泵奶(因為真係太累了,比我媽話我自私)
後期已經唔太夠奶,要補奶粉
再之後賣賣塊面好多粒粒,唔知係咪我食左d咩搞到我既奶有問題而令個囡食左生粒粒
所以最後,我放棄左我既半奶媽生活,比佢食奶粉

其實揀咩奶粉,除左父母選擇,仲有bb既反應
無理由我個囡食左我揀比佢既奶粉食完便秘都唔幫佢轉掛

最後,我揀左牛欄牌,原因係
阿b食完無不良反應,便便好好,佢又肯食又長肉,
價錢唔算貴，而家我買大約$225-228
而且易買，唔驚成日無貨
同埋做藥劑既表姐話牛欄無咁多添加成份,而且無糖

唔好係，我覺得佢隻奶粉無咁易溶
d人佢個設計無咁好(因為佢個囡之前係friso個design一流)我無試無得比較

所以,基於咁多原因支持底下我選擇左佢

產後檢查@ 政府醫院

17/4/2014

今日要去醫院做產後檢查
去到醫院,有d唔捨得既感覺(唔係想入醫院)
係因為上年發現有左bb,決定去QE登記,第一次見助產士,見醫生,度頸皮,照結構,之後每次檢查,生bb,bb係醫院一個禮拜...真係一個一世都唔會忘記既回憶

今日帶埋bb去見跟開既助產士
佢同我地都傾左好耐,主要係我做產後抑鬱評估test高分驚我有事
不過我都即刻同佢講我都發覺自己有d產後抑鬱
佢話我咁講,即係無咩事啦
其實照顧bb真係一件好辛苦既事,尤其係我個囡好難搞,又唔願訓,成日扭計,好難搞

佢都同我分享下一d方法點樣放鬆自己
希望遲下好d,我又可以輕鬆少少

傾左一個鐘,佢都有問我再生唔生
我話呢一刻就唔諗住,主要照顧好賣賣先

最後佢比左助產士個電話我,有事打去傾下
佢話成個助產士小組都識我,因為我係第一胎但用好快時間就生左既產婦

離開醫院,唔知會唔會再生bb
不過懷孕旅程既回憶真係好懷念

一星期醫院探囡生活 @8-15/3/2014

由於出院個日bb嘔,最後上左新生嬰兒病房,
而且唔知係咩事,所以bb未出得院

呢度病房探病時間係每日3-8,比一般病房長
因為可以係呢段時間餵到兩餐奶同陪bb
上到去見到自己個囡係暖箱入面,好心疼,又唔知咩事,淨係話血含氧低,要再check
不過,係呢度我地都去學點做爸爸媽媽,點餵奶,掃風,換片

禮拜一,上左病房,因為老公返工陪唔到我
我就將泵左既人奶,拿去醫院
呢度好好,可以擺低人奶,到餵既時間,佢地就會拎曬出黎比你餵,你想埋身餵又得,餵奶粉又得,最緊要係你肯去餵就得
大約我三點半餵完個囡,掃下風,換片,放低佢去打針,之後我就take break,再六點半同老公去餵bb
如是者,每日都係咁做

呢度姑娘亦會話你聽bb情況,食奶食幾多,大小便幾多
最後知道bb照肺片有少少花,所以要打一星期抗生素

呢度d姑娘同阿姐都好好,佢地好肯教人
教我地點樣餵奶,點樣掃風,點解要掃到風,呢個禮拜我地學識好多野
有時諗,唔係bb個日嘔,上左黎,我地仲好d,可以係呢個禮拜抖下,可以係呢個禮拜學照顧bb
而且呢個病房好鼓勵餵人奶,仲有泵可以借
一個禮拜之後,賣賣bb可以出院啦~~
有時係度諗,如果唔係bb出院個日嘔,都唔知佢血含氧低左d,都唔知佢原來身體有少少問題,bb真係好叻叻!

好多謝E9病房姑娘阿姐們!
   

賣賣BB出世了(下) @ 39 weeks 6 days

6/3/2014(THU)

落返產後房之後,正值探病時間
我阿爸媽咪老爺奶奶老公家姐姐夫都黎探我同bb
不過bb因為要係保溫箱一陣,所以無緣見大家住
大家都係度慰問我,因為我好精神(因為唔算太耐就生左bb)
之後老公買左飯比我食就夠鐘要走
呢一刻,最唔捨得係我老公(因為我要自己一個訓)

無耐姑娘就比返bb我,我個下...真係唔知點算點搞好
對住一個人仔,我個下好無助..
試比bb飲人奶,bb訓左根本唔想食,訓得好舒服
咁姑娘就拎走佢下一餐先比我餵,
點知到凌晨兩點幾,佢地推阿b比我,阿b都係唔想食,但又喊
個下我真係好想喊,因為佢唔肯食,又喊,我又驚嘈到隔離,最後叫姑娘推走佢

7/3/2014(fri)
大約7點幾姑娘比返bb我,但bb又係唔肯食訓左
之後有姑娘幫我睇傷口,佢話之前幫我聯針既姑娘手勢好好,而家傷口情況良好,子宮收縮又幾好,仲幫我睇上奶情況,不過我話bb唔肯食,佢地就教我手擠用針筒餵比bb
開始都唔錯,係幾痛,但起碼叫有初乳比bb食呀
中午老公黎左,買野比我食
我個刻好想返屋企,屋企最好,無壓力,起碼阿b有人同我分擔
我係醫院得自己一個好大壓力好無助

之後上左人奶班同沖涼班,人奶班當然有實戰機會,不過沖涼班就無啦,唯有返屋企試下啦

放晚屋企人黎探我終於可以見下bb同抱下佢,
兩個鐘既探病時間係最開心不過

之後阿b一直唔肯埋身啜,我擠奶亦都好痛無咩產量,我問姑娘有無問題
佢地答我阿b唔喊就無問題...佢喊wor,又叫我努力擠,有先得咖
最後我夜晚係醫院度喊左出黎...好辛苦...
最後有個姑娘幫我同bb補奶粉..
如是者我同老公呻..

8/3/2014(sat)
今日醫生巡房話我同bb今日可以出院
好野,終於可以離開,我好期盼住,因為出左院阿b喊我就唔驚嘈住人,無奶比佢食我都唔驚醫院唔肯比奶粉佢食
點知阿b一早好精神,肯啜奶奶,雖然唔知有無奶但好過唔啜
點知啜完無耐開始喊,我抱住佢,一路等夠鐘

直到1點幾時,阿b嘔奶
嚇到我禁鐘叫姑娘黎睇,阿姐話嘔奶好正常幫佢掃,我都講呢幾日我根本無咩奶比過佢食又點會嘔,除非尋晚姑娘幫我補奶個餐,之後佢驚驚地推左阿b出去
最後,話阿b血含氧低要上病房check
我即刻whatsapp我老公同佢講bb未出到院,
係等姑娘話我聽bb係病房係咩床位時我累到訓左,到3點幾醒,我老公已經係病房
最後我搞埋出院手續就上左病房睇阿b

上左病房,老公幫阿b第一次餵奶,病房好好多,唔會迫你餵人奶,可以餵奶粉
姑娘話阿b上到黎血含氧無咩事,但要再check未出到院
見到bb訓左係暖箱隻手拮左針口真係好心痛..bb,對唔住,係要留係醫院仲要咁辛苦,幸好bb無喊好乖乖咁食奶..(仲要食得好快,即係佢之後係產後房喊根本就係太肚餓!!!!!)

我同老公餵完佢奶到8點夠鐘就要走

最後我一個出院,聽日再探bb

賣賣BB出世了(上) @ 39 weeks 6 days

6/3/2014(thu)
我地個囡囡賣賣係今日下午五點幾出左世啦
囡囡都好錫媽咪,好快咁出左黎,令我痛楚無咁耐
等我仲記得就快d寫出黎先

我仲記得係3月4日時,我不停諗個囡點解咁耐都未出黎,唔通要催生?!所以我真係走去行樓梯or茂下,我行曬全層大廈(只係11層),來回兩次再係屋苑行
第二日,即3月5日見紅啦
仲好開心終於中左一樣,諗住就快生得,點知一直都無穿水同陣痛,我見QE張紙又無寫話見紅要有入院準備,咁我問朋友佢話唔痛就唔好去,唔係有陣痛都未生得又要留係醫院好悶,.咁我係度等等等,等幾時有陣痛啦,點知等到食埋晚飯訓埋教都無聲氣,仲好灰心,個晚又再行成層樓樓梯

終於係3月6日早上六點開始有陣痛,開始都唔知係咩野痛,即係個肚同個人下半身有D痛
原來,所謂既陣痛,係"痛到你條腰骨好似斷個隻"
我唔知有無人覺得唔係,不過我真係咁覺得,可以參考一下
之後都隔8-9分鐘先一痛,開始好似黎料時就叫醒老公,我老公仲半朦朧咁繼續訓教
真係堅,有D規律就叫老公起身買早餐,我就繼續痛住訓(因為訓得太多我尋日無訓過)
買完早餐,未食我就嘔返尋日個晚餐,SETTLE DOWN左,食左個包,好痛,打比我阿媽,話比佢知我陣痛就黎會入院
食完我就去左沖涼,一路沖一路痛(其實都仲忍到同接受到)
之後我竟然走左去訓,因為太累同埋我驚去到個姑娘會同我講"你根本未開喎,點解咁快入黎呀"...所以訓左一個鐘到11點我頂唔順,就同我老公講去醫院
大約12點前去到QE B4收症個度,我已經係痛個陣要企下,等痛完先行得,個姑娘問好多野,又要磅重,CHECK血壓等問問題,一CHECK已經話2度..仲話我好順利開得,一定今日生到

下午1點幾入左產前房C2,一開始要CHECK BB心跳30分鐘,之後叫我留小便,CHECK完無事,就同我講如果再痛D,有急便便既感覺就要叫佢CHECK下幾多度,
個個房,計埋我有4個人,一個應該係入黎照超聲波,一個應該係妊娠糖尿,一個見紅未痛,我....就係呢個房最"痛"之人...
到左3點到,我真係發覺開始痛到有急便便既感覺,就叫姑娘CHECK, 一CHECK,已經5度...即刻送返我去B4產房

個時只係3點幾,叫我老公通知屋企人,老公唔知點解比人阻止唔比入產房,得返我一個
入到產房,其實環境幾好,唔似手術室,似一間房+手術床(我諗咁樣會舒服D掛)
姑娘同我講,如果痛就聞笑氣,我真係痛個時聞,發覺,笑氣其實一D都止唔到痛
因為未穿水未再開得多度數,所以佢地叫我等穿水,後期我發覺越黎越痛,佢地終於比我老公入黎
其實,個下我真係痛到唔想理人,根本唔係"揸"住老公隻手,反而揸住張床既手柄仲好D
我老公既工作係拎住笑氣個罩,我一痛佢就比我吸
d姑娘搞搞下就走曬,因為仲有幾個媽媽係其他產房等生,叫我痛,穿左水就禁鐘,我叫老公禁左兩次,個資深少少既姑娘入黎就話,"生得啦咩,都未穿水"又話叫我忍住,因為想生時又未開曬個傷口未剪會爆,之後走左...
妖,忍到咩....之後我真係每次痛都夾住對腳痛唔比出黎,好辛苦,最後真係忍唔住,想痾時,叫老公再禁鐘,個時已經開到8度
個姑娘入黎又係想講"穿左水咩"既時候我講"我已經想痾出黎同feel到個頭仔想出黎,你好同我穿左佢(穿水)"
之後佢地真係幫我穿水,一穿水,真係勁痛,我開始一痛就叫(之前真係一路都忍住唔叫...呢一刻,我真係忍唔到)
過左無幾耐,佢地話唔再等,幫我生左先(因為我真係生得),個醫生入到黎,睇一睇,叫我痛就痾出黎,推手掣,唔好叫(好難.開頭有叫,叫左幾次比人鬧,就無再叫)
我個下,真係急便便,我同醫生講"我真係想痾屎...."
點知個醫生答我"你咪痾囉"
哦,,咁我痾啦....一PUSH,佢好似見到頭髮AND頭仔,好正常,順利,之後佢就交比姑娘走左
姑娘繼續叫我一痛就PUSH,開頭都唔想PUSH,因為已經無咩氣力,不過,到最後你一定會用力,因為,就黎成功
PUSH左幾次,佢地話見到頭髮,好多頭髮,我話"見到頭仔未"係未囉......
再PUSH佢地話"出到頭仔啦"....再PUSH多兩下,賣賣出左世啦!!!

我個下,真係...舒服曬...阿囡對我好好,唔算係痛左好耐,生都唔係用左好耐時間就生左
之後佢地拎走賣賣去清潔,就幫我按肚同拎走個胎盤(按肚係好冤冤痛)
CHECK左大致上完整,就幫我聯線(其實之前剪個下佢無同我講而家剪啦,反面講其他,剪個下,無咩感覺,不過剪左之後,我係知既,不過個時你已經痛到屎左完全會忽略佢)
佢話有少少痛,不過會打針,仲叫我如果痛聞笑氣,不過我無聞到...(呢D少少吉吉地比起頭先,已經唔算係咩)

之後就將賣賣送過黎比我啦,姑娘仲幫我地影相
老公開始打電話比屋企人
我就係6點幾送左去E2產後房

等運到

我到今日為止,仲係屋企等運到
因為,賣賣仲未肯出黎

今日已經係39weeks4days
唔知係咪bb係我個肚入面食好住好所以唔肯出黎呢
之前助產士同bb講而家暖返好快d出黎
可惜沒有

我阿媽話我同家姐都係遲左1個禮拜先出世(所以佢覺得無問題)
而我,都開始唔再諗咁多(因為呢個禮拜四再睇,佢已經會幫我約下禮拜催生,如果催生前未生,都係等個日,都係得返個幾禮拜啫)
開始周圍睇D媽媽要催生既BLOG,其實有好多都係催生前就生左,不過當然都有D係要催生先出世
有D人話催生仲快D,不過痛D(我諗我只會諗個囡快D出黎,都係痛十幾個鐘,忍左去,好過成日諗佢幾時出世)
同埋我覺得QE算唔錯,當初入助產士小組,去到後期個個禮拜都會返去,而我39WEEKS個時已經話下次再去睇就幫我約催生,服務唔錯,我睇有D媽媽話要去到42WEEKS先催生

尋日訓個時個肚好痛,不過完住唔係陣痛
係個肚吹左風個隻肚痛,痛痛下訓埋,訓醒無事,即係唔係個隻痛
唉....又食詐糊

唯有今日下午行左成層大廈既樓層(只是11層咁大把)同係屋苑平台行下路,行下樓梯
一間夜晚再行,唔知行完會唔會好D,不過一定自己個心舒服D

BB,希望你係催生個日之前出黎啦
爹地媽咪錫曬你~~

賣賣 39 weeks @ 政府+私家產檢

今日一次過兩邊都檢查
話咁快已經去到39週啦,兩個禮拜內就見到囡囡,其實心情都有點緊張,不停倒數緊(係成日諗住個隻)

今朝去左政府睇左先,
連落車老公都同我研究B座4樓點去(我估老公都開始緊張)
之後去到做左自助test就等睇助產士
助產士都無咩再講,因為已經講無可講,都係等bb出黎好過催生
因為我而家都已經39週,其實bb個頭仔係落左,不過無動靜
佢話如果下次再返黎睇佢(即係未生得),就要約41週返黎催生
佢話最好bb係催生之前出黎,因為催生而成功順產生到既比率一定比自然作動順產生到既比率低
我都有講其實有d變化,我都有d痛,個肚有時都硬硬地(比之前多),訓得勁差(我諗係我訓得太多同搵唔到個位訓),
不過既然bb未肯出黎就無計啦,明明上禮拜話未出黎都無事,今個禮拜已經要作最壞打算
bb,咁你乖乖地睇下幾時出黎啦

之後就去左私家度產檢
今日唔知咩事,等左好耐都無人,
我真是等左一個鐘先入到去(因為之前個個入左去好耐)
入到去醫生都無咩講,bb好健康,有7磅1安士(醫生話係大概呢個磅數)話好好
頭仔同肚肚都係38週,只係大脾骨已經over 40週, 其實醫生話佢話頭仔係骨盆附近都係正常,有d到生先會落去,胎水都開始減少不過都好多4.8, 一切好正常,不過醫生好樂觀話應該按進度出世(即係40週到)
仲話下次再見就係我生左之後幫我睇傷口埋口進度同谷奶情況,已經唔再睇啦(都好,原來葉醫生有得睇呢d,我都諗有無得生左之後睇下,始終兩邊睇下都好)

睇完之後,就要等左半個鐘先比錢
已經唔夠姑娘,我之前入去個個,仲係比錢既時候話仁安間房要轉, 埋單已經慢,仲比你搞一搞,我真係(佢仲要話d姑娘慢,唔係因為你多野搞,我都唔係成個鐘先入到房見醫生,而家埋單仲要等你比你搞一搞,都唔知邊個阻住曬)
今日睇政府10:30, 11:00唔駛已經走得(free)
私家約12:10我12:00去到,等左1粒鐘,睇左5-10分鐘,埋單半個鐘!($600)

豬兔對話

1. 老公返工

老公:老婆,我返工啦,我去搵錢啦
老婆:老公,對唔住(我仲係度訓,你已經要去搵食)
老公:唔係呀,老婆你仲叻,訓教都搵緊錢(產假$)
老婆:唔....咁我真係幾叻!

2. 診所
老婆:老公,好野,醫生話BB個頭仔終於落左去骨盆
老公:老婆,YEAH! BB個頭同你個骨盆"交接"!
老婆: 交接"成功"(普通話講)! 老公你覺唔覺得好似神8/9個個交接成功一樣呀?!
老公:無錯!

賣賣bb 37 weeks @政府產檢

20/2/2014 (thu)

已經進入每星期產檢既時候啦
今日老公陪唔到我產檢(37週既第一次)!
不過唔緊要啦,老公有野做真係陪唔到我,去左OUTWARD BOUND

因為師奶既關係去搭地鐵(老公本來話要打的)
無位坐都算,仲要連條柱d人都唔放過,明明有人捉住都唔理
本來都忍住,點知有兩個師奶傾傾下用個手袋hi到我個肚(我相信佢唔係有心,不過我個肚大咁一定係睇到個隻)
我講左句"唔該",咁佢就即刻知咩事,不過佢完住無出聲,下個站走埋

去左醫院,下晝真係無咁多人
自助檢查既時候見到個男人坐左係度飲緊青島啤,都估佢一陣會唔會發癲
點知真係,最後出動阿姐車佢老婆or女親人去睇急證,唉.....

等左45 mins先到我,
助產士話我一切正常,未生得,bb個頭1/5落左去
佢叫我茂多d,做多d運動可以快生d
茂?!個個都叫我唔好茂,我諗住都係做下家務茂下算
bb size正常,心跳正常,未出世住(其實只係37weeks)所以都無問題
最搞笑係佢問我今次係咪等得唔算耐,我答佢耐過上次,不過頭先個個阿媽搞左好耐
下次就係下禮拜四,不過下午full曬佢問我上午得唔得,我放緊假梗係無問題啦
佢即刻話8:30,我話唔駛咁早掛,就10:30啦

睇完去佳佳買埋糖水就返屋企lu

產假第三天

我好想問,究竟放產假既媽媽係咪好忙好多野做咖
點解我覺得自己好無聊既
老公奶奶唔想我周圍走,我係屋企一日到黑就係食,同睇電視/做家務
其實都真係幾悶下...

如果醫生講中我真係未來7日都未生得住,
咁我呢7日點過好呢

賣賣bb 37 weeks@ 私家檢查

今日約左睇私家醫生,因為我開始放產假唔駛揀禮拜六
話時話,我對我公司都算係咁
真係除左政府無得揀一定係平日睇,
我睇私家都係揀禮拜六,仲要我係返長短週,我老公返5日,但我都要揀短週先去睇
有次趕住就唔到,要收工即刻飛的出去睇私家都唔想請假
而且因為大肚一個月可能要放0.5-1日病假睇政府,我平時唔舒服都唔敢請病假,費事成日請假,仲會OT補返比佢彌補我內心既唔舒服(我個性格比較衰,唔鐘意爭人野)
因為畢竟我覺得自己做左幾個月大肚真係好唔好意思

講到咁遠,講返今日
今日約左葉醫生3點幾,一入到診所係超多人,
多人到老公都無位坐(唔緊要啦)

等左一陣到我,同醫生講返上次係QE做既b鏈test無事
我同醫生講我37週都未生得,醫生話其實20個媽媽先有1個係37週生
入到去照,bb個頭已經落左去骨盆啦
醫生話係好事,咁即係證明我盆骨夠位比bb落,好野!同埋bb跟進度落左去,可以準備生得
臍帶無纏頸,肚肚正常唔太大
我問醫生bb成日踢我左面係咩器官,原來佢bb既手手腳腳,好得意,醫生話一個個波波咁係手手腳腳
原來!原來!我個囡咁好腳法!醫生話佢腳仔比較長(似我老公,其實我老爺都好高)
醫生話bb生長得非常好,各方面都唔錯,按比例,心跳正常
不過bb而家開始係一個禮拜重100g,所以無咩點重,同埋用大脾骨黎check佢幾重,所以話我個囡其實唔太重
而且醫生話我個肚細左,即係bb落左去,叫我都係等幾時作動生得,不過醫生話我未來7日都未生得住

其實,我真心覺得葉醫生唔錯,正正常常,有笑容,無話因為我係政府生而有咩問題
所以,有媽媽唔知搵邊位私家醫生我都好建議佢

反蝗?!

睇新聞,上禮拜日有反蝗遊行
睇完之後,我有少少upset
upset係我有時都覺得大陸人好麻煩,無禮貌啦,唔衛生啦,講野好大聲啦,無文化啦,淨係識買名牌,唔識個d買奶粉日用品
但係,我覺得呢個遊行既香港人都有唔岩既地方

其實,香港有得遊行真係好民主
雖然要事先申請,亦都合情合理,唔理由無申請隨便遊行,就算唔影響遊客,都影響香港市民生活
講得太遠
我覺得呢次遊行香港人唔岩在,明明我地知識水平高d,成日都話自己有文化,但就係遊行時做d唔適當既行為,如豎中指,指住遊客黎鬧,講粗口
其實,既然你覺得你係文明既香港人,又點解要咁一般見識,同佢地係條街度指著對罵呢?!
咁樣你同佢地又有咩反別

最最最難頂係,遊行之後政府官員既反應
直斥香港市民既不是,不但係司長司長,連特首都直斥香港市民個日遊行
真係超級痛心,
雖然個日遊行香港市民有唔岩既地方,但係你唔係我地呢類平民
高官,你會搭地鐵咩?你話等多一班無問題,唔係一班係好幾班喎,我大住個肚都一樣,,咁你又會幾明我地呢?!
高官,你平日應該係去外國先買名牌,我地行尖沙咀旺角都難以喘氣,就算住到唔近中心點,住九龍灣都一樣咁多大陸人,你又明唔明我地想要既寧靜生活比人打破?!

其實,文化既差異真係好難改變
當人地要黎我地度,係咪佢要主動融入我地既文化先呢?
但係而家政府係叫我地融入佢地既文化,咁香港仲會進步嗎?

產假第一天

今日開始放產假了

我選擇左前3後7

其實有幾個原因,

1. 因為個肚越黎越大，坐係度做野屈住好辛苦
2. 最近工作真係比較忙,經常OT
3. 老公投訴叫我抖下(百分比比較細)

今日已經唔習慣
因為平日我起身返到公司打比老公叫佢起身返工
而家係老公起身同我講byebye

之後等到夠鐘落去食下午茶
再去買送,因為太得閒走去買料包水餃(即係要去街市)
回南天又濕,而且好耐無去d檔口唔同左,所以我諗諗下無咩必要唔去lu

返到屋企,chicco送bb車黎
我個囡有私家砵砵車啦,仲榮升車主,我同老公就做司機車佢周圍去

第一日已經唔慣,好彩幾日睇醫生,禮拜三約左同事lunch
下禮拜一無電,咁即係迫我返娘家啦

賣賣bb @ 36 weeks 政府檢查

11/2/2014 TUE

今日要去醫院覆診
因為上次姑娘check到話bb個頭仔係上面patpat係下面好擔心
要我今日返去睇下轉左未,如果未就要見醫生

今日約左10:30am
一去到,好多人囉....係多人到差d無位坐個隻
不過老公話好多人都係睇婦科唔係產科
最後多人到要坐係房既門口,
點知比個阿姐話要坐第二邊,我都想,不過無位嘛
最後搵到個位點知一分鐘都無就叫我啦...

入到去阿姑娘真似好趕,比人催佢唔知做咩
仲有另一個姑娘係度
今次無話我過重,肥係我度,仲要bb 重得好好,比例唔錯
最最最重要係佢話佢摸到bb個頭仔係下面,好野,唔駛見醫生
不過開始要一個禮拜覆診一次lu...
姑娘仲話過埋呢個禮拜就足月,要小心隨時生得
不過佢問我知唔知咩係傳統姿態生bb,上次運動班有講
不過佢話仲有幾隻可以揀,見到第二d,好似正常好多
有隻坐係度好似大便咁,係我最接受,不過到時點都唔知
生仔都有得揀,而家醫學真係進步左好多

今次到醫院排隊等，自己檢查磅重同見睇姑娘只係用左半個鐘
次次都係咁快就好啦

老公下禮拜陪唔到我睇醫生,即刻好擔心要我打的,我話打的都好危險..

賣賣bb 36 weeks @ 政府產前運動班2+私家檢查

今日真係好忙碌,首先係要去QE上產前運動班
今日教我地陣痛時呼吸方法,生產時呼吸方法同按摩技巧
其實陣痛時既呼吸方法都係教深呼吸及淺呼吸
而且由頭到腳既肌肉放鬆方法
生個時既呼吸方法

仲重要係老公幫你既按摩方法
我估唔多唔少都會幫輕下,起碼唔會叫你深呼吸
不過到時痛到咁,我都唔知會唔會"fet"開我老公叫佢唔好掂我

不過姑娘有叫我地唔好用咁多笑氣,聞得太多對產婦唔係咁好
姑娘仲叫我地做多d會陰肌肉運動,有個太太話每日做200次
嘩,我諗我都係放假先開始做

上完堂就去睇私家醫生啦
早左去既關係,姑娘都話要多一陣先到我(因為之前新年,所以醫生booking都好full)
不過唔緊要,診所係老公公司樓上,可以去老公公司坐下
大約點幾到我,醫生都應該好忙,見佢好多媽媽要睇
而家賣賣36weeks1day, 6.4 lbs,頭髮好長,個頭仔大左好多(比正常多1week,之前比正常少1week),肚仔比例正常,大脾骨似爸爸比正常長2weeks
不過今次賣賣個樣向入面睇唔到,唔比我地睇你有無扁咀呢囡囡?!

最後醫生都係同我地講賣賣size係中間線,不過我有問醫生佢頭仔仲未落有無問題
醫生就話而家36weeks未落都唔係好大問題,有時未必會咁準時,叫我地唔駛擔心
我唔擔心賣賣頭仔36weeks落未,我係擔心下禮拜睇政府比姑娘煩同恐嚇個下先驚,雖然我知佢地向最壞方向諗,不過連我地都未擔心仲要比佢嚇一嚇都好驚

賣賣bb,乖乖地下個week頭仔向下爸爸媽媽安心

賣賣bb 34 weeks @政府醫院檢查

30/1/2014 Thursday

今日又年三十,姑娘約左我去產前檢查
不過今日遲到,但過程好快
入到去姑娘話我個b係中碼bb,
其實我都唔係邊個講d野先係岩,醫生話唔係,姑娘話係
大致上bb心跳都好健康

今日要做b鏈test,好快完成
姑娘摸左我個肚好耐都唔知頭仔係邊
最後照左照聲波,之後佢好擔心
佢話bb個頭係上面,patpat係下面,擔心佢唔落黎
如果唔落得兩條路,一係做移位,一係開刀
不過我話而家都未到36weeks,不如等我36weeks睇埋私家醫生先再算
佢又okay喎!

最後叫我下次記得交老公夠唔夠產張form比佢

如是者,阿姑娘講完之後
我發覺我個囡移動得好勁,好大力,真係會覺得痛
尤其係佢"YOUNG"你個下,都真係幾厲害

不過,亦都越快到囡囡出世既日子
我地兩公婆都好緊張又期待又擔心

而且,胃酸倒流係我身上發生了
真係好辛苦...

賣賣bb 34 weeks@私家產檢

25/1/2014

今日約左私家覆診
因為臨近生之前,政府私家產檢都密左
今個月已經請左兩次假去睇醫生
所以唔好意思再請,唯有約禮拜六放工打的去
去到好彩都要等一陣

入去睇醫生啦,
一照bb就比我地見到佢扁咀仔呀,唔知係咪近排我較忙做野又躁躁地激親個囡
不過真係好得意,醫生即刻cap左print出黎,之後醫生話bb仲笑tim呀~~~

賣賣而家34weeks, 5.2 lbs
醫生話佢臍帶無纏頸,胎水正常,肚圍頭圍正常生長比例,醫生話bb size比例好好
佢大脾骨長度醫生話夠曬長~~哈哈,似老公好野!
心跳都正常, 不過醫生話仲係34 weeks頭仔未落係正常,再落就會再"聚"d
醫生話而家bb已經有5磅,就算早左出世都唔擔心

睇完之後下次就要到新年後再覆診
我估大約睇多兩三次賣賣都出世啦!!

睇完同老公食元氣一杯
之後就返左屋企補眠啦

賣賣bb 33 weeks@政府產前運動班

今日去左QE上產前運動班
因為係物理治療個邊上,所以第一次睇政府醫生比$
10:30開始,有位物理治療師教我地做一d產前運動
包括背部,腿部運動,其實講同教都唔係好耐,不過佢逐個睇就搞左好耐
佢仲話有分娩球班(其實產前講座都有呢堂,不過爆曬,我估好重要先咁多人報,唔知物理治療教同產前講座教有咩唔同)不過係呢度上就要買個分娩球,而且要8:30上堂
最重要係,過左34weeks就唔建議參加(我下週都已經34weeks,佢最快個堂係2月8日)

之後上完堂就同老公去食我好喜歡既元氣一杯
以前拍拖都成日同老公想呢度lunch,因為好近
而家要出尖咀先有機會(其實好多機會,因為私家產檢只係係樓上,hehe)

食完就去左護協買野
終於買左餵奶bra,濕紙巾,save milk bottle,沖涼網(有d朋友話唔駛,有d話買左好d)咁我買定先,棉花棒
我諗差唔多買齊啦,唔駛再心掛掛
不過後期我問我老公估下有左bb駛左幾多$$,老公話唔敢估,因為沒完沒了,第時仲要供書教學
呢d硬野就算啦,長憂99個下仲不敢想像

懷孕33weeks,我開始
1. 個胃同個肺頂住左,變得無咁易肚餓
2. 就因為咁,訓得唔好,碌黎碌去,半夜好易醒,睡眠質素欠佳
3. 坐個時要向後,向前一定頂住bb會抗議(不過做野個時好難避免,但會有辛苦既感覺)
4. 分泌多左
5. 開始諗bb幾時出世
6. 不願出街
7. 不願煮飯(係我遮~~~)

有話兒

臨生之前,有多野諗,好多野未做
仲有少少野未買,餵奶bra,棉花棉,消毒酒精,未打電話去安排送bb車,奶煲
仲想買左膠箱擺野

好多野未做
bb床未砌,我阿媽話幫bb洗衫未洗
我又未洗其他野,bb床寢具

最重要係大清洗間屋
我好想做,不過個肚越大真係會好吃力,老公又忙

仲有好多檢查講座運動班未上
真係full曬
但又唔想成日請假

公司好多野做,好唔得閒
真係個肚越大檢查越密都唔敢請假

咁樣咪好易產前抑鬱....

賣賣bb 32 weeks @ 私家檢查

今日約左睇葉醫生

賣賣bb 32 weeks!而家重4.2磅
醫生話胎水,size,心跳全部正常
仲話bb踢得多代表健康,咁我都希望個囡健健康康
因為佢日日都踢到我應一應
尤其係我做野個時,我估我坐得衰(有時專注會"控"前我估"un"到佢,佢會踢我抗議)
或者訓係度時會用佢隻腳仔"un"我,我老公成日都摸到佢腳young young!

大脾骨長度係over average,已經有34weeks
頭仔肚圍就差唔多細1 weeks
醫生話週數不能太作準,不過一路check bb都係呢個比例

最後問左醫生,我上次見姑娘佢話我過重
醫生話,而家應該每週增加1磅
而我都無,所以都係正常,叫我唔好太擔心

其實上次聽完姑娘講我已經無咁飲太多奶
不過會食芝士,豆腐花
我阿媽仲叫我食芝麻糊and合桃糊(but我唔太好芝麻)

之後睇完2weeks之後要返去再check
仲有8weeks賣賣bb就出世啦,
而家要check得越黎越密
其實個肚都越黎越大,仲要成日出去睇醫生,做運動,真係有點忙...

賣賣bb 30weeks @政府檢查

終於到左檢查既日子啦
都有個多月無去政府檢查

去到登記,基本test之後就等睇姑娘
助產士話bb size,長度週數,心跳都正常
不過話我重得太快係唔好,叫我唔好飲奶,飲水食生果
我估係因為最近太凍我食多左古古力
不過我都唔算食好多,我同平時食量都係差唔多
因為有左之後,我唔太鐘意食飯,中餐都唔多鐘意食,所以重左,我都唔知點解
不過下次睇私家醫生會再問問,因為醫生無講過我重得快唔標準

之後佢問我有無問題
我話最近訓得唔好,因為條腰有d痛,碌黎碌去
佢叫我搵個最好最舒服既位置訓
鬼唔知咩,有先得咖,搵到就唔駛碌黎碌去啦
不過問返d媽媽同事都話無辦法,咁唯有碌碌下啦最後10weeks

睇完之後下次檢查係年三十晚@@
助產士話見埋佢團年就岩岩好啦
下次會做埋B型鏈球菌檢查,呢個test我最驚,因為有左之後覺得分泌多左唔知有無影響